“ევორპული საქართველოს” ლიდერი გიგი უგულავა აცხადებს, რომ მას და გოკა გაბაშვილს აეროპორტსი თავს დაესხნენ. პოლიტიკოსის თქმით, ინციდენტი საპასპორტო კონტროლის ზონაში მოხდა.
გიგი უგულავას თქმით, შემთხვევის შედეგად გაბაშვილს მუხლი დაუზიანდა:
“მე და გოკა გაბაშვილს ივანიშვილის ორკები დაგვესხნენ თავს აეროპორტში, საპასპორტო კონტროლის შიგნით ზონაში. ახლა მივდივართ შუშის შენობაში. ამბობენ თავდამსხმელები დავიჭირეთო. არ ვიცი. ჩვენ კარგად ვართ. გოკას მუხლი დაუზიანდა. ეტყობა ასე ჩაშალეს ჩვენი ორდღიანი მგზავრობა. ძაან საცოდავია ეს რეჟიმი. სასაცილოც კი” – ამბობს უგულავა.
საქართველოს შინაგან საქმეთა სამინისტროში ამბობენ, რომ მომხდარზე გამოძიება საქართველოს სისხლის სამართლის კოდექსის 126 მუხლით მიმდინარეობს, რაც ძალადობას გულისხმობს.