რეგიონების ნაწილში დიდთოვლობის გამო ელექტრო ქსელი დაზიანდა. განახლებულ ინფორმაციას აქვეყნებს “ენერგო-პრო ჯორჯია”. კომპანიის ცნობით, უკვე სრულად აღადგინეს ენერგომომარაგება ლანჩხუთსა და ჩოხატაურში.
კახეთის, ასევე ოზურგეთის და ქობულეთის სოფლების ნაწილს ელექტროენერგია ამ დრომდე შეზღუდვით მიეწოდება.
როგორც “ენერგო პრო ჯორჯიაში” განმარტავენ, მათ სამუშაოებს აფერხებს თოვლის გამო გზებზე დაწესებული შეზღუდვები.
“დიდთოვლობით გამოწვეულმა სტიქიამ დაგვიზიანა ელ. გადამცემი ხაზები, მაღალ ძაბვის ანძები, ჩამოსულია დამხმარე ბრიგადები სხვადასხვა რეგიონებიდან. მაქსიმუმს ვაკეთებთ, რომ დღის ბოლომდე ყველა აბონენტს მივაწოდოთ ელექტროენერგია. ქალაქის თითქმის 90%-ზე მეტს მიეწოდება ელექტროენერგია, დარჩენილია მხოლოდ სოფლების ნაწილი, რომელიც დღის ბოლომდე უნდა აღდგეს,“ – აღნიშნა “ენერგო-პრო ჯორჯიას” ოზურგეთის მომსახურების ცენტრის მენეჯერი, გიორგი ნაკაიძე.