შინაგან საქმეთა სამინისტრო მართლწესრიგის ოფიცრების ბაგების სტუდქალაქში შესვლის თაობაზე განცხადებას ავრცელებს.
„შინაგან საქმეთა სამინისტროს მართლწესრიგის ოფიცრები, ბაგებში მდებარე სტუდქალაქში, ორ მისამართზე თბილისის მერიის შესაბამისი სამსახურის მოთხოვნის საფუძველზე იმყოფებოდნენ. შემოსული შეტყობინება ფართების დაკანონების თემას ეხებოდა და მართლწესრიგის ოფიცრებმა გადაამოწმეს აღნიშნულ მისამართებზე ცხოვრობდნენ თუ არა კონკრეტული პირები“, – წერია ინფორმაციაში.
შეგახსენებთ, რამდენიმე საათის წინ, ზემოაღნიშნული ცნობა „მაისის სტუდენტურმა მოძრაობამ“ სოციალურ ქსელში გაავრცელა.