პოლიტიკოსი ნატო ჩხეიძე სოციალურ ქსელში „კოალიცია ცვლილებისთვის“ ლიდერის, „მთავარი არხის“ დამფუძნებლის, ნიკა გვარამიას შესახებ პოსტს აქვეყნებს.
„სერიიდან:
ის.
ანუ გვარამიას ორი ჰაეროვანი კოცნა ივანიშვილს სადღეობოდ
მაშინ, როცა ყველა ოპოტელევიზიის მაუწყებლობა და ქვეყანაში შექმნილი მწვავე ვითარების დღედაღამ გაშუქება სასიცოცხლოდ აუცილებელია ჩვენი საზოგადოებისათვის, გვარამია ნიკა თვითნებურად აჩერებს მთავარ არხის ლაივებს და მთავარი არხის დუმილს ზაზა ოქუაშვილს აბრალებს.
ამით, თავის დიდი ჭკუით, ივანიშვილის ორ კოცნას იჭერს :
მიმდინარე მოვლენებს აღარაფერს არ აშუქებს მთავარი არხი, პირდაპირი ეთერით აღარ ლაპარაკობს ოლიგარქის მიერ ქვეყნის უკუღმა დატრიალებულ ჩარხზე – ეს ერთი.
და
ტელევიზიის დუმილს აბრალებს ზახა ოქუაშვილს, წლებია ივანიშვილის თავის ტკივილი რომ გამხდარა,
რადგან სწორედ მათ შორის მიმდინარეობს საერთაშორისო სასამართლო პროცესები – ესეც ორი.
აი მიზეზი, სულო ჩემო, აი მიზეზი, იტყოდა გალაკტიონი და ეს სიტყვები: აი მიზეზი, აი მიზეზი, – ჩვენს გონივრულ ეჭვებს ზუსტად ერგება.
უკეთესი სადღეობო საჩუქარი რაღა უნდა ყოფილიყო ოლიგარქისათვის:)) “ , – წერს ის.
შეგახსენებთ, რამდენიმე დღეა, „მთავარი არხის“ მაუწყებლობა შეჩერდა.
გვარამიას განცხადებით, არხი ოქუაშვილმა გააჩერა, რადგან მის მიერ დანიშნული თანადირექტორი გადასახადების გადახდის დოკუმენტებს ხელს არ აწერს.
ოქუაშვილი კი არხის მაუწყებლობის შეჩერებაში გვარამიას სდებს ბრალს.