მსოფლიო ბირჟებზე პარასკევს, 14 თებერვალს ვერცხლის ფასმა ბოლო სამი თვის მაქსიმუმი დაამყარა და უნციაზე 33-დოლარიან ნიშნულს მიაღწია. ამჟამად, თბილისის დროით 16:00 საათზე ფასი 32.15 აშშ დოლარამდეა შემცირებული. მიუხედავად დღიური მცირედი კლებისა, ერთი თვის ჭრილში ფასები 4.4%-ით, ხოლო წლის ჭრილში 40%-ით არის გაზრდილი.
გლობალურ ბაზრებზე ვერცხლის ფასის ზრდა ძირითადად გამოწვეულია გაზრდილი მოთხოვნით. კერძოდ, ვერცხლი აქტიურად გამოიყენება მრეწველობაში, განსაკუთრებით კი მზის პანელების წარმოებაში, რაც ზრდის მასზე მოთხოვნას.