იუსტიციის სახლის მიმდებარე ტერიტორიაზე, სადაც ამ წუთებში ევროპული მომავლის მცველები მსვლელობას მართავენ, საპატრულო პოლიციის დეპარტამენტის მთავარი სამმართველოს უფროსის მოადგილე, გოგა მემანიშვილი მოაბილიზეს – ინფორმაციას“ტვ პირველი” ავრცელებს.
“ჩვენ ვესაუბრებთ აქციის რამდენიმე ორგანიზატორს. გავიარეთ რამდენიმე მარშრუტი, რა მარშრუტზეც ჩვენ მათ ვეხმარებით, ჩვენ დავკეტეთ გზა. ჩვენ, როდესაც მოვუწოდებთ აქციის მონაწილეებს არ დაკეტონ გზის სავალი ნაწილი და არ გვემორჩილებიან, მაშინ ხდება მათი დაჯარიმება. დღეს არ დაჯარიმდებიან, რა თქმა უნდა”, – ამბობს გოგა მემანიშვილი.
იუსტიციის სახლის მიმდებარე ტერიტორიაზე ასევე განლაგებულნი არიან სპეციალური დანიშნულების რაზმის წარმომადგენლები. “შაბათის ეთერმა” გადაიღო კადრები, რომლითაც ირკვევა, რომ შინაგან საქმეთა სამინისტროს წარმომადგენლები სპეციალური ხელკეტებით და ფარებით არიან აღჭურვილნი.
ამასთან, ადგილზე იმყოფებოდა სანდრო გულუა, რომელიც ნარკოტიკებთან ბრძოლის სამმართველოს ერთ-ერთი წარმომადგენელია. სანდრო გულია იმ დეპარტამენტს წარმოადგენს, რომელსაც საპროტესტო აქციის ფარგლებში დაკავებული მოქალაქეებისთვის ნარკოტიკებს ჩადებაში ადანაშაულებენ.
“შაბათის ეთერის” გუნდმა ადგილზე ასევე დავით ჯაფარიძეც შენიშნა. დღევანდელ საპროტესტო მსვლელობას თბილისის პოლიციის დეპარტამენტის დირექტორი, სულხან თამაზაშვილიც აკვირდება. აღსანიშნავია, რომ ეს უკანასკნელი მის ზემდგომაბთან ერთად, ბრიტანეთის მიერ სანქცირებულია. კამერების წინ თამაზაშვილი ირწმუნება, რომ მას ეს ფაქტი არ აწუხებს.