“ტახტზე წამოკოტრიალებულს ვეღარ მიმიმართავს შვილებისთვის, – ფეხებეე ჩამოწიეე ქალოოო- რო არ მიყვირონ.
რაღა დავამატო… ეს კულტურის კომიტეტში გვიდევს, გონზე ხო არაა, და მომიწოდა “ფეხი ჩამოვწიო და ისე ველაპარაკო” – ამის შესახებ სამოქალაქო აქტივისტი ნატა ფერაძემ “ფეისბუქის” პირად გვერდზე წერს, რომელიც გრიგოლ ვაშაძესთან გუშინდელ დაპირისპირებას ეხმაურება.
“დიდ გაქანებას ნუ მისცემთ ფანტაზიას, ასე მედო ფეხი, რომელზეც მეტი აქცენტი გაკეთდა დღეს, ვიდრე 2500+ ხელმოწერილი პეტიციის მასხრად აგდებაზე ე.წ. პარლამენტის “კულტურის კომიტეტის” მიერ.
*уй моржовый, მისთვის გასაგებ ენაზე ვეტყვი,” – წერს ნატა ფერაძე სოციალურ ქსელში.
ცნობისთვის, პარლამენტის კულტურის კომიტეტის გუშინდელ სხდომაზე, სადაც შალვა ამირანაშვილის სახელობის ხელოვნების მუზეუმთან დაკავშირებით მოქალაქეების პეტიციაზე მსჯელობდნენ, დეპუტატი გრიგოლ ვაშაძე და სამოქალაქო აქტივისტი ნატა ფერაძე ერთმანეთს სიტყვიერად დაუპირისპირდნენ.
გრიგოლ ვაშაძემ განაცხადა, რომ მუზეუმის შენობა ინგრევა, ექსპონანტები გადასარჩენია და ყველაფრის პოლიტიზება არ შეიძლება: “სარდაფში თუ ჩაბრძანებულხართ, ნახავთ, რა დღეშია ფუნდამენტი”, – აღნიშნა დეპუტატმა, რა დროსაც ნატა ფერაძემ მოუწოდა, ჯერ სიტუაციას გაცნობოდა და “სისულელეები” მერე ელაპარაკა, რასაც ვაშაძის გაღიზიანება მოყვა.
“რა ბრძანეთ? ეს ვინ არის, ტო? ქალბატონი რომ არ იყოთ, სხვანაირად დაგელაპარაკებოდით. ზრდილობა ისწავლეთ, უპირველეს ყოვლისა. მშვენივრად ვიცი, რასაც ვლაპარაკობ, თქვენგან განსხვავებით. ზრდილობა და ქცევა ისწავლეთ, ფეხი ჩამოსწიეთ და ისე ილაპარაკეთ, გეგონებათ, ოჯახში გაიზარდეთ”, – მიმართა გრიგოლ ვაშაძემ ნატა ფერაძეს.
https://mix.metronome.ge/21224-2/