ამერიკის შეერთებული შტატების ჰელსინკის კომისიის თანათავმჯდომარე, ჯო უილსონი საქართველოს მეხუთე პრეზიდენტს, სალომე ზურაბიშვილს შეხვდა.
მხარეებს შორის გამართული აუდიენციის დეტალებთან დაკავშირებით კონგრესმენი პლატფორმა X-ზე წერს და აღნიშნავს, რომ ივანიშვილის რეჟიმის წინააღმდეგ სანქციები დაუყოვნებლივ დასაწესებელია.
“მოხარული ვარ, რომ ჩემს მეგობარს, საქართველოს ლეგიტიმურ პრეზიდენტს, სალომე ზურაბიშვილს ვხედავ. არალეგიტიმურმა ივანიშვილმა ოქტომბერში არჩევნები გააყალბა და ახლა საქართველოს დიქტატორულ სახელმწიფოდ აქცევს. ჩვენ დაუყოვნებლივ გვჭირდება სანქციები რეჟიმისთვის. თავისუფალი და სამართლიანი არჩევნები არის ერთადერთი გზა!”. – წერს ჯო უილსონი.