პარტია „საქართველოსთვის” მხარდამჭერთა გუნდს მსახიობი ნანუკა ხუსკივაძე შეუერთდა.
“ვფიქრობ, (გახარია) ქართულ პოლიტიკაში ძალიან სერიოზული ფიგურაა. მოვისმინე მისი რამდენიმე გზავნილი, მიმაჩნია, რომ ეს ძალიან მნიშვნელოვანია ქვეყნისთვისაც და რასაკვირველია, ქალაქისთვის. ასევე ძალიან მნიშვნელოვანია სახელმწიფო ინსტიტუტების გაძლიერება. ეს ადამიანი (გიორგი გახარია) ახერხებს მარტივად და გონივრულად მიიტანოს თავისი აზრები ადამიანებამდე. ამიტომ ასეთ პოლიტიკოსს ჩვენს ქვეყანაში წარმატება უნდა უსურვო, რადგან რეალურად ამის მძიმე დეფიციტია, “ – ამბობს ნანუკა ხუსკივაძე.
მსახიობთან ერთად გუნდს ტურიზმის სფეროს წარმომადგენლებიც შეუერთდნენ. უზნაძის 4 ნომერში, გუნდის წევრების მონაწილეობით გაიმართება თემატური შეხვედრები სხვადასხვა სფეროს წარმომადგენლებთან.
პარტიის პრესსამსახურის ინფორმაციით, მხარდამჭერთა გუნდში მოქალაქეებს დარეგისტრირება უზნაძის 4-ში, 11:00 საათიდან 18:00 საათამდე შეეძლებათ. ასევე, შესაძლებელია ონლაინ რეგისტრაცია : https://forgeo.ge/ka/register
