“ყოველგვარი სუს-ის ჩანაწერების გარეშე ცხადია, რა აყროლებულ სანაგვედ გადააქცია ილია II-მ ჩვენი ეკლესია – უნდა აეხილოს საზოგადოებას თვალი და ნახოს, მისი ეკლესია რა დღეშია” – ამის შესახებ თეოლოგმა ბასილ კობახიძემ ტელეკომპანია “ფორმულას” გადაცემაში “კომენტარი” გავრცელებულ ჩანაწერებთან დაკავშირებით საუბრისას განაცხადა.
“ეს ორი ურჩხული ხელისუფლება და ეკლესია ცდილობს მართმადიდებლურ-ფაშისტური დიქტატურა დაამყაროს. ჩვენი ხელისუფლება რაც არის ისედაც ცხადია, მაგრამ ყოველგვარი სუს-ის ჩანაწერების გარეშე ისიც ცხადია, თუ რა აყროლებულ სანაგვედ გადააქცია ილია II-მ ჩვენი ეკლესია… სამღვდელოება კათხა ლუდზე რომ სკდება ხოლმე, სწორედ ამ თემებზე საუბრობენ.
საზოგადოებას თვალი უნდა აეხილოს და ნახოს, მისი ეკლესია რა დღეშია, რა კადრებით არის დაკომპლექტებული, რომ აქ არის არამარტო ქურდობა, კრიმინალი, გარყვნილება, არამედ რუსეთის პირდაპირი სამსახური… ,” – ამბობს ბასილ კობახიძე “ფორმულას” ეთერში.
ცნობისთვის, ინტერნეტში სასულიერო პირებსა და საპატრიარქოს თანამშრომლებზე სავარაუდო წერილობითი და აუდიომასალა გავრცელდა. გავრცელებული ფაილები ცალკეული სასულიერო პირების პირად ცხოვრებას ეხება. ფაილები შეიცავს არასრულწლოვანთა შესახებ ინფორმაციასაც.
სააგენტო თავად ამ მასალას არ გთავაზობთ, რადგან იგი პირად ინფორმაციას შეიცავს.