“ყველანაირ მუსიკას ვუსმენ. მუსიკა მუსიკაა, ის სამ უნივერსალურ ხელოვნებას შორის ყველაზე მნიშვნელოვანია – მუსიკა, პოეზია და ფერწერა,” – ამის შესახებ პარტია “საქართველოსთვის” თბილისის მერობის კანდიდატმა გიორგი გახარიამ ახალგაზრდებთან შეხვედრისას თქვა.
გახარიამ ახალგაზრდა თაობის წარმომადგენლებს ურჩია, რომ ცხოვრების მნიშვნელოვან ეტაპზე მუსიკას მოუსმინონ, რადგან ეს მათ ძალიან დაეხმარება.
“სხვათაშორის გირჩევთ, როცა რთულის რაღაცის წინაშე აღმოჩნდებით, გამოცდა გაქვთ ჩასაბარებელი, სადმე ინტერვიუ მისაცემი, მშობლებთან რთული საუბარი გელით, ენერგიის მობილიზება გჭირდებათ, ამ დროს მუსიკა ძალიან გეხმარება.
მუსიკა არის, ინტელექტის განვითარებასთან თვალსაზრისით, მათემატიკასთან ერთად, ერთ-ერთი ყველაზე ეფექტური ინსტრუმენტი. მუსიკას უნდა უსმინოთ, ნებისმიერს არ აქვს მნიშვნელობა როგორს, ეს თქვენს გემოვნებასა და განვითარების დონეზეა დამოკიდებული. უბრალოდ სცადეთ რა, სადღაც გამოცდა რომ გექნებათ ჩასაბარებელი, ერთი ნახევარი საათით ადრე ჩაუჯექით რამე კარგ მუსიკას რომელიც მოგწონთ, მაგარი “დრაივია” და იმხელა ადრენალინია, უბრალოდ ენერგიით გავსებთ, ძალიან მოგეხმარებათ,” – ამბობს გიორგი გახარია ახალგაზრდის კითხვის საპასუხოდ.
https://mix.metronome.ge/21147-2/