“აქ დგას საშიშროება, რომ რეალურად რუსეთმა აქ მოიგოს ის, რაც ვერასდროს ვერ მოიგო და ეს იყოს პირველი ასეთი მარცხი დასავლეთისთვის, ევროპისთვის და ახალი ამერიკული ადმინისტრაციისთვის”- – ამის შესახებ საქართველოს მეხუთე პრეზიდენტმა, სალომე ზურაბიშვილმა მიუნხენში გამგზავრებამდე, არასამთავრობო ორგანიზაციებისა და კრიტიკული მედიის წარმომადგენლებთან და სამოქალაქო აქტივისტებთან შეხვედრის შემდეგ განაცხადა.
“…[შეხვედრაზე] ძალიან საინტერესო საკითხები წამოიჭრა, შეიძლება ითქვას უფრო გეოპოლიტიკური კუთხით, თუ რამდენად მნიშვნელოვანია, რომ მივიტანო იქ, მითუმეტეს რომ ეს არის უსაფრთხოების კონფერენცია, სადაც სხვადასხვა სახელმწიფოების მაღალი დონის ხელმძღვანელები იქნებიან, მათთან მივიტანო ის მთავარი გზავნილი, თუ რა ხდება დღეს საქართველოში, რომელიც არის არამხოლოდ დიქტატურა, ეს რუსული რეჟიმი, რეპრესიები, არამედ ის, რომ აქ დგას საშიშროება, რომ რეალურად რუსეთმა აქ მოიგოს ის, რაც ვერასდროს ვერ მოიგო და ეს იყოს პირველი ასეთი მარცხი დასავლეთისთვის, ევროპისთვის და ახალი ამერიკული ადმინისტრაციისთვის”- განაცხადა ზურაბიშვილმა.