400-ლარიანი ჯებირის დაზიანების საქმეზე ბრალდებულებმა, ომარ ოკრიბელაშვილმა და საბა მეფარიშვილმა, მიხეილ ყაველაშვილს შეწყალების თხოვნით მიმართეს.
მათ საპროცესო შეთანხმება 20 იანვარს გაუფორმდათ.
შეთანხმების მიხედვით, ისინი დამნაშავედ იქნენ ცნობილი ნივთის ჯგუფურად დაზიანებაში, მათ პენიტენციურ დაწესებულებაში 1 წლის და 6 თვის გატარება მოუწევთ, 1 წლით თავისუფლების აღკვეთა კი ჩაეთვლებათ პირობით მსჯავრად.
საბა მეფარიშვილი და ომარ ოკრიბელაშვილი 2024 წლის 16 მაისს დააკავეს. შესაბამისად, მათი პატიმრობის ათვლა ამ დღიდან დაიწყო. აქედან გამომდინარე, მსჯავრდადებულები პენიტენციურ დაწესებულებას დაახლოებით 10 თვეში დატოვებენ.