ტელეწამყვანი მიშა მშვილდაძე “ფეისბუქის” პირად გვერდზე ვაქცინაციის მნიშვნელობაზე წერს:
“აცრა რომ არ იცავდეს – ყოველდღე 40-50 გარდაცვლილიდან 8-10 უნდა იყოს ორჯერ აცრილი, რადგან მოსახლეობის 20 პროცენტი უკვე გვყავს ორჯერ აცრილი – რეალურად კი არცერთი არ არის ხოლმე გარდაცვლილებში ორჯერ აცრილი. აცრა გვიცავს, აიცერით აუცილებლად,” – წერს მშვილდაძე სოციალურ ქსელში.
13 სექტემბრის მონაცემებით, საქართველოში ბოლო 24 საათში კორონავირუსით ინფიცირების 946 შემთხვევა დაფიქსირდა. გარდაიცვალა 48 ადამიანი.
ინფექციისგან განიკურნა კიდევ 4 351 პაციენტი. ჯამში, კორონავირუსისგან 545 961 ადამიანი გამოჯანმრთელდა.
ამ ეტაპზე, ქვეყანაში კორონავირუსის 27 595 აქტიური შემთხვევა ფიქსირდება.
სულ ჩატარდა 1 507 986 აცრა, დღიურად აცრილია 14 703. კარანტინის რეჟიმშია 85, სტაციონარში მეთვალყურეობას 6 186 ადამიანი გადის, კლინიკურ სასტუმროში იმყოფება 1 611 პირი.