ყველის გილდიის თავმჯდომარე, ანა მიქაძე-ჩიკვაიძე „ბათუმელებისა“ და „ნეტგაზეთის“ დაპატიმრებული დამფუძნებლის, მზია ამაღლობელის შესახებ სოციალურ ქსელში პოსტს აქვეყნებს.
„ამ ორი თვის მანძილზე, მეორედ ვარღვევ პირობას და ორივეჯერ მზია ამაღლობელის გამო
რამდენსამე დღის უკან.
დავდე ვრცელი სტატისტიკა პოლიტიკური პროტესტების
გამო მოშიმშილეების შედეგი რა იყო
.
1 90 % დასრულდა ფატალურად
2.ასევე 90 % არ შესრულდა სახელმწიფოთა მიერ მოშიმშილის მოთხოვნა
ასეთი სასტიკია ყველგან ხელისუფლების ვერდიქტი
ნურცერთი მხარე ნუ უყურებთ ამ ქალის შიმშილს მარტივად…
ეს განსაცდელია..
უმძიმესი ფორმაა პროტესტის .
დამოუკუდებლად იმისა, ვუჭერ თუ არა მხარს ამაღლობელს, ზოგად პოლიტიკურად
მე მზად ვარ პატი ვცე მის ამ პროტესტს…
მის ნებისყოფას და სიმტკიცეს ..
მინდა გადარჩეს..
მინდა მისი ყოველი დღე ვიცოდე.
და ყველაფერი ვიცოდე მის ჯანმრთელობაზე.
ვიცი ეს პოსტი არ მოგეწინებათ ჩემს ქოც მეგობრებს , მაგრამ ეს ახლა ნაკლებად მადარდებს ..
თქვენ ხომ იცით, რომ ამ სილიდარობაში მართალი ვარ..
ადამიანი უნდა გადარჩეს!!!!“, – წერს ის.
შეგახსენებთ, მზია ამაღლობელი, 30-ე დღეა, შიმშილობს.
ის 11 იანვარს, ბათუმში დააკავეს. ბათუმის საქალაქო სასამართლომ მას აღკვეთის ღონისძიების სახით პატიმრობა შეუფარდა.
მზია ამაღლობელს ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს. მას 4-დან 7 წლამდე პატიმრობა ემუქრება.