“რატომ წიოდა ხომ ხვდებით?!” – თამარ ჩერგოლეიშვილი თაკო ჩარკვიანზე

მიხეილ სააკაშვილის დასაბრუნებლად თაკო ჩარკვიანმა ორგანიზაცია დააფუძნა. მისი განცხადებით, ორგანიზაციას “საერთო სახალხო მოძრაობა” ჰქვია.

როგორც მან დღეს გამართულ ბრიფინგზე თქვა, ყოფილ პრეზიდენტს საქართველოს მოქალაქეობაც უნდა დაუბრუნდეს.

პარტია “კანონი და სამართლის“ ლიდერის დღევანდელ განცხადებას, ჟურნალისტი თამარ ჩერგოლეიშვილი შემდეგი სახის კომენტარით ეხმაურება: – “კოორდინაციას რატომ შლიდა, წიოდა და კიოდა – ხომ ხვდებით?” – წერს ჩერგოლეიშვილი “ფეისბუქის” პირად გვერდზე.

თაკო ჩარკვიანმა ასევე განაცხადა, რომ ყოფილი პრეზიდენტის პოლიტიკური დევნა შეწყდეს.

“ფუძნდება ორგანიზაცია საზოგადოებრივ საწყისებზე, რომელსაც ჰქვია “საერთო სახალხო მოძრაობა“, ჩვენ უნდა დავაბრუნოთ მშვიდობიანად ქვეყანაში ის პრეზიდენტი, რომელმაც ქართული სახელმწიფო განავითარა ინვესტიციებით, დანგრეული, ჩაბნელებული საქართველოდან შექმნა სახელმწიფო და დააყენა ფეხზე,” – განაცხადა პარტია “კანონი და სამართლის“ ლიდერმა,

ჩარკვიანმა ისიც აღნიშნა, რომ სააკაშვილი “ბრწყინვალე რეფორმატორია” და “მან ეს უკვე დაამტკიცა.”

იხილეთ განცხადების სრული ვერსია:

https://mix.metronome.ge/21100-2/