ნეიროქირურგი, რომელმაც პაციენტის თავის ტვინიდან 15 სმ-იანი ცოცხალი ჭია ამოიყვანა, გიორგი სექანიაა. მის პირად ფეისბუკ გვერდზე მითითებულ ინფორმაციაში ვკითხულობთ, რომ ექიმი სავარაუდოდ, კლინიკა ივოვასა და კავკასიის მედიცინის ცენტრში მუშაობს.
როგორც ექიმი ვრცელ პოსტში წერს, პაციენტს “მეზობელ” სახელმწიფოში მე-4 სტადიის სიმსივნის დიაგნოზი დაუსვეს.
როგორც ირკვევა, ეს უნიკალური ოპერაცია ნეიროქირურგმა, გიორგი სექანიამ ჩაატარა. ფაქტის შესახებ, სწორედ მისი პოსტიდან გახდა ცნობილი.
“მინდა გაგიზიაროთ საინტერესო, იშვიათი და შესაძლოა პირველი ფაქტი მედიცინის ისტორიაში, ჩვენი ნეიროქირურგიული პრაქტიკიდან, რომელიც დაფიქსირდა რამდენიმე დღის წინ.
მდედრობითი სქესის პაციენტი, სამწლიანი ანამნეზით. იმყოფებოდა ჩვენს „მეზობელ“ სახელმწიფოში, სადაც ონკოლოგიური დაავადების გამო ჩაუტარდა სარძევე ჯირკვლის სექტორული რეზექცია. ონკოლოგიური სიფხიზლის გათვალისწინებით, პაციენტს უტარდებოდა დიაგნოსტიკური კვლევები, თავის ტვინის მრ კვლევით მარჯვენა თხემის წილში ნანახი იქნა მოცულობითი წარმონქამნი.
ვციტირებ პაციენტის სიტყვებს – “3 წლის მანძილზე 8-ჯერ ჩამიტარდა თავის ტვინის მაგნიტურ-რეზონანსული კვლევა, ბოლოს მითხრეს რომ სიმსივნის მე-4 სტადია მქონდა, შემომთავაზეს ოპერაციული ჩარევა, მაგრამ არ მინდოდა უცხო ქვეყანაში სიკვდილი და გადავწყვიტე სამშობლოში დაბრუნება“. საქართველოში ყოფნის პერიოდში პაციენტს განუვითარდა გენერალიზებული გულყრა, კონსულტირებულ იქნა ჩემს მიერ საქართველოს ერთ-ერთ რეგიონში. ქალბატონს შევთავაზე წარმონაქმნის ამოკვეთა, დავიწყეთ განმეორებითი კვლევები.