მიმდინარე აქციებისას დაკავებული აქტივისტი, ნიკოლოზ ჯავახიშვილი, ციხიდან წერილს ავრცელებს.
„მე ნიკოლოზ ჯავახიშვილი სრულ დაუმორჩილებლობას ვაცხადებ არალეგიტიმური ხელისუფლების წინააღმდეგ. ვგმობ ძალადობას სტუდენტებზე, ჟურნალისტებზე, ქალებზე და ქართველ ხალხზე.
ვშიმშილობდი არაადამიანურ პირობებში (ჯანმრთელობის მდგომარეობა დამიმძიმდა მომიწია ისევ დაბრუნება) საბოლოოდ მოვედი სრულ მზადყოფნაში და ისევ დავიწყე შიმშილობა.
ყველა მოშიმშილეს და რეჟიმის ტყვეს ვუცხადებ სოლოიდარობას . განა რამდენს დაგვიჭერენ?! არ ვიცი რამდენად შევძლებ დაუმორჩილებლობას აქედან, მაგრამ ვეცდები შიმშილობით მაინც.“
შეგახსენებთ, ჯავახიშვილი ჯგუფური ძალადობის ბრალდებითაა დაკავებული. მას 4-დან 6-წლამდე თავისუფლების აღკვეთა ემუქრება.
წერილს facebook-ჯგუფში „დაიტოვე“ ჯავახიშვილის ადვოკატი, გუჯა ავსაჯანიშვილი ავრცელებს.