მიმდინარე აქციებისას დაკავებული აქტივისტის, საბა სხვიტარიძის დედა, ელენე ახობაძე აცხადებს, რომ მისი შვილი იზოლატორში აწამეს.
„ჩემი შვილი აწამეს იზოლატორში, გონების კარგვამდე ურტყამდნენ […]
გარდამტეხი იქნება ჩვენი ერთობა – ამათ ჰგონიათ, რომ ჩვენ შევშინდებით და ჩვენ, ვერანაირად ვერ შევშინდებით და არცერთ მშობელს, არცერთ ქართველს არ გვაქვს უფლება, რომ შევშინდეთ.
ჩვენ არ გვაქვს ლაპარაკი იმაზე, რომ ვინმე “ქოცია” და “ნაცია” – ჩვენ ვკარგავთ ქვეყანას, რისთვისაც საუკუნეების მანძილზე ჩვენი წინაპრები იბრძოდნენ და არანაირი უფლება არ გვაქვს, რომ ჩვენ რაღაცით გავჩერდეთ.
არც ვაპირებთ გაჩერებას, ვერც გაგვაჩერებენ – ვერანაირი კანონი ვერ შეგვეხება“, – აღნიშნავს ელენე ახობაძემ.
შეგახსენებთ, საბა სხვიტარიძე 5 დეკემბერს, პოლიციელის ჯანმრთელობის ხელყოფის ბრალდებით, დააკავეს.
14 იანვარს სხვიტარიძის ადვოკატმა, ირაკლი ჩომახაშვილმა განაცხადა, რომ მისი დაცვის ქვეშ მყოფი სპეციალურმა საგამოძიებო სამსახურმა დაზარალებულად ცნო.