კუნძულ სანტორინიზე 28 იანვრის შემდეგ 500-ზე მეტი მიწისძვრა დაფიქსირდა. საბერძნეთის ხელისუფლებამ კუნძულზე საგანგებო მდგომარეობა გამოაცხადა, რომელიც 3 მარტამდე გაგრძელდება. ადგილი 11 ათასზე მეტმა ადამიანმა დატოვა.
ექსპერტებს უჭირთ იმის თქმა, როდის დამთავრდება „სეისმური კრიზისი“ კუნძულზე. ისინი არ გამორიცხავენ, რომ სანტორინი უფრო ძლიერი მიწისძვრის საფრთხის წინაშე დგას.
„ეს მართლაც უპრეცედენტო შემთხვევაა, ჩვენ [თანამედროვე დროში] მსგავსი რამ არასდროს გვინახავს საბერძნეთში“, – განაცხადა ათენის ეროვნული ობსერვატორიის მეცნიერმა აფანასიოს განასმა.
საბერძნეთის პრემიერ-მინისტრმა კირიაკოს მიცოტაკისმა განაცხადა, რომ ქვეყნის შესაბამისი ძალები მობილიზებულია და მთავრობა მზადაა ნებისმიერი მოულოდნელობისთვის. მან მოუწოდა კუნძულზე დარჩენილ ადგილობრივ მოსახლეობას სიმშვიდისკენ და ხელისუფლებასთან თანამშრომლობისკენ.
კუნძულზე მომხდარი მიწისძვრების მაგნიტუდა 4.7 და 5,2 აღწევს.
ცნობისთვის, გამანადგურებელი მიწისძვრა კუნძულზე 1956 წელს მოხდა. 7,7 მაგნიტუდის მიწისძვრამ ცუნამი გამოიწვია. დაღუპულთა რაოდენობამ 53-ს მიაღწია, ასზე მეტმა ადამიანმა კი სხვადასხვა სახის დაზიანება მიიღო.
შსს
პოლიციამ