სინდისის პატიმრის, ზვიად ცეცხლაძის მამა, ზურა ცეცხლაძე სოციალურ ქსელში შვილის მიერ, ციხიდან გამოგზავნილ წერილს აქვეყნებს და წერს, რომ გადაწყვიტა წერილი საზოგადოებას გაუზიაროს.
“ზვიადის ციხიდან გამოგზავნილი წერილი უნდა გაგიზიაროთ“, – წერს ზურა ცეცხლაძე.
სინდისის პატიმარი მამას საქციელს უწონებს, მისი პოზიციის გამო, რომელიც მან ჟუნალისტ მზია ამაღლობელთან დაკავშირებით დააფიქსირა.
მამიკო, ძალიან მიხარია, რომ მიუხედავად შვილის ფაქტორისა, არ ხარ მიკერძოებული და გესმის რომ მზია ამაღლობელის პოლიტიკური (და ჯანმრთელობის) მდგომარეობა ჩვენზე მწვავეა და მძიმეა. რომ ის არის ნომერ პირველი პოლიტპატიმარი (როგორც შენ იტყოდი). ძალიან მიხარია რომ საერთო საქმეში საკუთარ შვილს განკერძოებულად არ აყენებ. გახსოვს რომ გეხუმრებოდი? ისე გიყვარვარ, რომ შენგან გიორგი სააკაძე არ გამოვა თქო, არ ყოფილა ეგრე (სააკაძეობა ყველაზე კარგი გაგებით).
მიყვარხარ მამი, ჩემი გმირი ხარ.
დედა ჩამიხუტე და ჩამიკოცნე.
29.01.2025 წ.
შენი მზე-ჭაბუკი, – ვკითხულობთ წერილში.