თბილისის მერმა, კახა კალაძემ მიმდინარე პროტესტის მონაწილეების შესახებ კიდევ ერთხელ ისაუბრა.
ამჯერად, მან ოპოზიციურად განწყობილ მედიას განუცხადა, რომ მათ უამრავ ადამიანს აურიეს ცხოვრება.
„ვისაც აქვს პროტესტი, შეუძლია გამოხატოს. არანაირი პრობლემა არ არსებობს. რა თქმა უნდა, პროტესტი თავისუფალია. იმ ძალადობრივი ქმედებებით, რასაც თქვენ აკეთებდით თქვენი ტელევიზიის ჩართულობით, იმ ადამიანებით, ვისაც ახალისებდით, უამრავი ადამიანი დაღუპეთ, უამრავ ადამიანს აურიეთ ცხოვრება.
ვიღაცას შეუძლია გამოხატოს მისი მოსაზრება სხვადასხვა საკითხთან დაკავშირებით, ყველას ერთნაირი დამოკიდებულება ვერ გვექნება. თქვენ შეიძლება გქონდეთ სხვა შეხედულება იმ საკითხთან დაკავშირებით, რომელთანაც მე შეიძლება განსხვავებული მაქვს. ეს ნორმალურია და უნდა არსებობდეს განსხვავებული აზრი, მაგრამ ძალადობრივი ქმედებები კატეგორიულად მიუღებელია“, – აღნიშნა კალაძემ.