ყვარელში, “საქართველოს ბანკის” ფილიალში შეჭრილი შეიარაღებული პირი, არსებული ინფორმაციით, მძევლად აყვანილი ნახევარ მილიონ ლარს ითხოვს.
ასევე დაუზუსტებელი ინფორმაციით, როგორც თვითმხილველები ამბობენ, თავდამსხმელი შეიარაღებულია, როგორც ცეცხლსასროლი იარაღით, ასევე ხელყუმბარით.
იმ ადამიანების ცნობით, რომლებმაც შენობიდან გამოქცევა მოახერხეს ასევე ამბობენ, რომ მამაკაცს სამხედრო ფორმა აცვია.
მძევლად 15-მდე ადამიანია აყვანილი.
„თავდასხმის შესახებ შეტყობინების მიღებისთანავე პოლიციის თანამშრომლებმა, მყისიერი რეაგირების რეჟიმში შემოსაზღვრეს შემთხვევის ადგილის მიმდებარე ტერიტორია. ამჟამად ადგილზე მობილიზებული სამართალდამცველები ატარებენ ყველა საჭირო და გადაუდებელ ღონისძიებას, ასევე მიმდინარეობს საგამოძიებო და ოპერატიული ღონისძიებები.
შინაგან საქმეთა სამინისტრო მოუწოდებს მედიის წარმომადგენლებს – დაიცვან უსაფრთხოების ნორმები და დაემორჩილონ ადგილზე პოლიციელთა მითითებებს“, – ნათქვამია შსს-ს განცხადებაში.