„კოალიცია ცვლილებისთვის“ ლიდერი, ნიკა მელია სოციალურ ქსელში ახალ პოსტს აქვეყნებს.
„Dimitri Bidzinashvili ქვეყნის ერთგული და უწესიერესი პატრიოტია. მაგარი ბიჭია!
თანმიმდევრულობა, რაციონალურობა და რკინის ნერვები – ამაზე მეტად არაფერი მოგვეთხოვება. არც პანიკის უფლება გვაქვს, არც სხვისი დაპანიკების და არც სპონტანური გადაწყვეტილების მიღების.
გამარჯვება გარდაუვალია, ეჭვი არავის შეგვეპაროს.
თავისუფლება რეჟიმის ყველა მძევალსGigi Ugulava“, – წერს მელია.
შეგახსენებთ, დიმიტრი ბიძინაშვილი, გიგი უგულავასა და კიდევ ექვს პირს გუშინ შსს-მ ბრალი წარუდგინა „სისხლის სამართლის კოდექსის 19-222-ე მუხლით გათვალისწინებული დანაშაულის ჩადენისთვის, რაც სტრატეგიული ან განსაკუთრებული მნიშვნელობის ობიექტის ჯგუფურად ბლოკირების მცდელობას გულისხმობს.“
ზემოაღნიშნული რვავე პირი 2 თებერვალს, „თბილისი მოლთან“ გამართულ აქციაზე დააკავეს.