ამ წუთებში, მზია ამაღლობელის გათავისუფლების მოთხოვნით, პარლამენტთან აქცია იმართება.
ადგილზე მობილიზებულ პოლიციასა და სამართალდამცავებს შორის დაპირისპირება მოხდა.
აღნიშნულის შესახებ სოციალურ ქსელში „პუბლიკის“ რედაქტორი, ზურა ვარდიაშვილი წერს.
„პარლამენტთან, სადაც რამდენიმე ათეული ჟურნალისტი ვაპროტესტებთ მზია ამაღლობელის პატიმრობას, მოულოდნელად თავს დაგვესხა პოლიციის ნიღბიანთა რაზმი, ურტყეს ყველას ვისაც მისწვდნენ, დაარტყეს ჩვენს რეპორტიორს Natia Leverashvili-საც“, – აღნიშნავს ის.
შეგახსენებთ, მზია ამაღლობელი, 24-ე დღეა, შიმშილობს.
ის 11 იანვარს, ბათუმში დააკავეს. ბათუმის საქალაქო სასამართლომ მას აღკვეთის ღონისძიების სახით პატიმრობა შეუფარდა.
მზია ამაღლობელს ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს. მას 4-დან 7 წლამდე პატიმრობა ემუქრება.