მსახიობი და ტელეწამყვანი ია ფარულავა სოციალური ქსელით აფხაზეთიდან დევნილ ზამირ კვეკვესკირთან დაკავშირებულ ტრაგედიას გამოეხმაურა.
„ზამირ კვეკვესკირის სხეული ალმოდებული კივის იმ ქვეყნის შუაგულში, რომელიც მისი სახლიც იყო და ციხეც.
ცეცხლი აანთო, რადგან ამ ქვეყანაში გაჩუმებულ სიტყვებს მხოლოდ ალი მოაქვს.
ზამირი აღარ არის.
მაგრამ მისი ცეცხლი აქ რჩება – ფერფლად, სიმართლედ და უჩინარ ტკივილად, რომელსაც კიდევ დიდხანს ვერ დაინახავენ ისინი, ვინც ზამირი სიკვდილამდე ვერც იცნეს და ვერც მოუსმინეს“, – წერს ფარულავა.
შეგახსენებთ, რამდენიმე დღის წინ ზამირ კვეკვესკირმა დევნილთა სააგენტოსთან საწვავი გადაისხა და ცეცხლი წაიკიდა, რის შედეგადაც, ის დაიღუპა.