დიღომი 7-ში, მამაოს სახლში – ჩინეთის და ტაილანდის მოქალაქეების მიერ დაფუძნებული სუროგაციის ცენტრი ფუნქციონირებს. ამას ადასტურებენ მეზობლებიც, რომლებიც ხშირად ხედავენ ფეხმძიმე ქალებსა და მომსახურე პერსონალს. “შაბათის მთავარის” წყაროს ინფორმაციით, 2 დღის წინ სუროგაციის ცენტრში ჩვილი გარდაიცვალა. ადგილზე იყო მისული პოლიციაც. სახლი, სადაც ჩინეთის მოქალაქეებს სუროგაციის ცენტრი აქვთ გახსნილი, სასულიერო პირს, მამა მიქაელს – მალხაზ შაიშმელაშვილს – ეკუთვნის. მფარველობს თუ არა მამაო ამ პროცესს ან იცის თუ არა რომ მის სახლში სუროგაციის ცენტრია ფუნქციონირებს – ამ კითხვებზე პასუხის გაცემა დიდი ალბათობით სასულიერო პირს გამოძიებისთვის მოუწევს.
მალხაზ შაიშმელაშვილის შესახებ საჯარო წყაროებში ბევრი არაფერი იძებნება , მათ შორის უცნობია ისიც თუ რომელ ტაძარში მსახურობს ის.
ციციშვილის ქუჩის მცხოვრებლები “შაბათის მთავართან” ყვებიან რომ მამა მიქაელი ამ სახლში წელიწადზე მეტია არ უნახავთ, ამიტომ ეჭვობენ, რომ სასულიერო პირს მდიდრული სასახლე სავარაუდოდ ჩინეთისა და ტაილანდის მოქალაქეებზე აქვს გაქირავებული. მამაოს მეზობლები გვიყვებიან იმასაც რომ უცხო გარეგნობის ადამიანები ციციშვილის 4 ნომერს ყოველდღე სტუმრობენ.
საქართველოში სუროგაცია კანონმდებლობით რეგულირდება და კონკრეტული წესები მოქმედებს. იურისტები, რომლებიც ამ საკითხს წლებია იკვლევენ ამბობენ რომ ქართული კანონმდებლობა ზოგადი და ხარვეზიანია. ეს გარემოება კი სავარაუდოდ უცხო ქვეყნის მოქალაქეებს სასათბურე პირობებს უქმნის.
წყარო:mtavari.tv