სამოქალაქო აქტივისტი, მარიამ სიჭინავა ინფორმაციას ავრცელებს:
“ზუგდიდის სოფელ ინგირში ყველამ იცის ბაღი ,,წითელქუდა”. ძალიან ცოტამ იცის Khatuna Gogua-მ როგორ დააფუძნა ეს ბაღი.
დევნილთა კომპაქტურ ჩასახლებაში, ინგირში, 1997 წელს, ხათუნამ გახსნა დღის ცენტრი დევნილი ბავშვებისთვის.
მშობლები, ხათუნა და სხვა მასწავლებლებიც ქუჩებში ბოთლებს აგროვებდნენ და ბოთლების გაყიდვით შემოსული თანხით, ფქვილს ყიდულობდნენ რომ ბავშვებს დღის ცენტრში პური ჰქონოდათ.
წლების განმავლობაში დღის ცენტრი ფუნქციონირებდა შემოსავლის გარეშე, ხათუნას და სხვა აღმზრდელებს არ ჰქონდათ ხელფასიც. თუ არ ვცდები, 2003 წელს, დღის ცენტრი გადავიდა მერიის ბალანსზე და დაიწყო ბაღმა ,,წითელქუდამ” ფუნქციონირება, ხათუნამ როგორც დირექტორმა გააგრძელა მუშაობა.
ბაღში სულ არის 21 თანამშრომელი. მათგან ცხრა თანამშრომელს, რომლებიც ძალიან ღიად და საჯაროდ, (მათ შორის დადიოდნენ ზუგდიდის აქციებზე) აფიქსირებდნენ აზრს მიმდინარე პოლიტიკურ პროცესებზე, ათავისუფლებენ სამსახურიდან. მიზეზად უსახელებენ, რეორგანიზაციას! ბაღების მართვის ცენტრმა გამოიძახა პოლიცია და გაფიცულ მასწავლებელებს 5 ეკიპაჟით კრინპოლი დააყენეს თავზე.
ვიცი, რომ ზუგდიდის სხვა ბაღების თანამშრონლებიც არიან ანალოგიურ სიტუაციაში, მაგრამ ეშინიათ.
არავის არ დავტოვებთ მარტო, ყველასთან მივალთ, ყველას დავეხმარებით, იურისტებსაც მოვიძიებთ და ზარალს, რომელიც რეჟიმმა მიაყენა, ავუნაზღაურებთ”.