რიყის პარკში 25 იანვარს მომხდარი ტარგედიის შედეგად, 132-ე საჯარო სკოლის მე-10 კლასის მოსწავლე, იოსებ ადეიშვილი დაიღუპა.
რამდენიმე დღეა, საზოგადოება და მედია აღნიშნული საქმის დეტალების გარკვევას ცდილობს.
მომხდარზე მოზარდის მამამ, გრიგოლ ადეიშვილმა „რადიო თავისუფლებასთან“ ინტერვიუში“ ისაუბრა.
„როგორც ბავშვები ყვებიან, რამდენიმე წუთი ხელებით ეჭირათ. მაგრამ ნელ-ნელა უფრო და უფრო დამძიმდაო. კიდევ ვიღაც ტურისტი მისულა, ისიც ეხმარებოდა. ქურთუკი ეცვა, როგორც ჩანს, წყლით გაიჟღინთა. ბავშვი თავად 60 კილო მაინც იქნებოდა, ის ქურთუკიც რომ დასველდა, ალბათ ვეღარ დაიჭირეს ბავშვებმა ასეთი სიმძიმე.
პოლიცია ვინ გამოიძახა, ზუსტად არ ვიცი, შეიძლება ბავშვებმა, შეიძლება სხვამ. პოლიციის მისვლასაც ხომ დრო დასჭირდა. ბიჭები ყვებიან, სანამ პოლიცია მოვიდა, გაგვეშვა ხელები და ჩავარდაო. ერთ-ერთ ბიჭს სულ დაკაწრული აქვს ხელები, რომ ეჭიდებოდნენ ერთმანეთს, მაშინ დაეკაწრა“, – აღნიშნა მან. კითხვა განაგრძეთ ბმულზე.