საჯარო რეესტრმა არ დააკმაყოფილა „მთაავრი არხის“ მეწილის, ზაზა ოქუაშვილის წარმომადგენლის, გიორგი (გოგი) ქურდაძის მოთხოვნა აღნიშნული მედიის დირექტორის პოზიციიდან გიორგი გაბუნიას გადაყენების თაობაზე.
როგორც ირკვევა, ქურდაძემ არ წარადგინა საჭირო დოკუმენტები, რომლებსაც სახელმწიფო უწყება მისგან ითხოვდა.
შეგახსენებთ, „მთავარი არხის“ თანადირექტორმა, გიორგი ქურდაძემ საჯარო რეესტრს 24 დეკემბერს მიმართა. მან მიმართვის წერილს დაურთო გიორგი გაბუნიასთან მიმოწერის ფოტო, რომელშიც გენერალური დირექტორი აღნიშნავდა, რომ „იძულებული ვარ, მივიღო თანამდებობიდან გადადგომის გადაწყვეტილება“.
რეესტრმა ქურდაძეს მოთხოვნა 25 დეკემბერს შეუჩერა და მოსთხოვა – წარედგინა დოკუმენტი, რომლითაც დადასტურდებოდა, რომ გიორგი გაბუნია საკუთარი ნებით ტოვებდა გენერალური დირექტორის თანამდებობას;
ან მიეტანა მფლობელების გადაწყვეტილება მისი გადაყენების შესახებ.
გიორგი გაბუნიას გადასაყენებლად მხოლოდ ზაზა ოქუაშვილი ხმა საკმარისი არ არის, მას სჭირდება არხის სხვა მეწილეების თანხმობაც.