შინაგან საქმეთა სამინისტროს ცნობით, გუშინ, გვიან ღამით, სუპერმარკეტ „სმარტის“ შენობის მეორე სართულზე მომხდარ აფეთქებასთან დაკავშირებით გამოძიება დაიწყო.
საქმე სსკ–ის 240–ე პრიმა მუხლის პირველი ნაწილით დაიწყო, რაც ელექტრო ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების დარღვევას გულისხმობს.
აფეთქების შედეგად არავინ დაშავებულა, დაზიანებულია “სმარტის” შენობის მეორე სართულის ნაწილი, ასევე საცხოვრებელი სახლების ფანჯრის მინები.
შემთხვევის ადგილზე ამ დრომდე სამართალდამცავები მუშაობენ.