ტელეწამყვანმა გია ჯაჯანიძემ ტელეკომპანი “რუსთავი 2”-ის გადაცემაში “ფარული კონვერტი” თავისი ცხოვრების ერთ-ერთი მნიშვნელოვანი საიდუმლო გაამხილა.
“ეს არის ჩემი ცხოვრები ტრაგედია, რომელმაც გამაგებინა, რომ ძალიან დიდი ძალის პატრონი ვარ.
17 წლის ვარ, თეატრალურში ვაბარებ და არავინ გვყავს ამ მიმართულებით, თბილისში არ ვარ ნამყოფი. ივნისის დასაწყისია, თეატრალურში ადრე იყო გამოცდები. იმ პერიოდში ჩვენთან სოფელში თბილისიდან ძალიან ცნობილი კაცი ჩამოვიდა, რომელიც ამ სფეროს წარმომადგენელი იყო. მამაჩემმა თქვა, წავიდეთ, ვუთხრათ, აუცილებლად მოგეხმარება, ჩემი ნათესავია და ერთ კლასში ვისხედით ერთ მერხთანო. თბილისში რომ ჩავალთ, თავისთან გაცხოვრებს, ძმებივით გავიზარდეთო. მასთან რომ მივედით და ამ კაცმა არ შეგვიპატიჟა. ეს უჩვეულო იყო, რაც გამორიცხული იყო იმ დროს… უცბად მამაჩემი დაკომპლექსდა, ჩემი ბიჭი თეატრალურში აბარებს და იქნებ, მოვედი იქნებ დაგვეხმარო, გზა გვასწავლოო. კი, მაგრამ, ამას ჭკუა არ აქვს, შენ რამ დაგიკარგა ჭკუა ამხელა კაცს, ვინ ამას თეატრალურში ვინ მიიღებსო. წამოვედით… მე მამაჩემის თვალები აღარასოდეს აღარ მინახავს, თვალებში ვეღარ მიყურებდა, იმიტომ, რომ შერცხვა, მოერიდა, იმედი გაუცრუვდა.
ყოველდღე სამ ჭიქა არაყს სვამდა. ჩვეულებრივად იყო, დადიოდა, მუშაობდა, ოღონდ ფხიზელი მდგომარეობა არ უნდოდა. 54 წლის გარდაიცვალა. ღვიძლი მოეხარშა და ისე გარდაიცვალა, რომ თვალებში არ შემოუხედავს. ერთადერთი ბედნიერება ის არის, რომ ჩემს დიდ წარმატებას მოესწრო…
გავიდა წლები, ვმუშაობ „პირველ არხზე“, ვარ დირექტორთა საბჭოს წევრი, დავამთავრე თეატრალური და იქ ვკითხულობ ლექციებს, დავიცავი დისერტაცია, გადასარევად ვარ… სტაჟიორი ოპერატორები სადღაც წავიყვანეთ და გზაში ერთ-ერთს გვარი ვკითხე, იმ კაცის შვილი აღმოჩნდა. ვიფიქრე, საშინელებას ვუზამ, ვიტყვი, არ ვარგა და სამაგიერო უნდა გადავუხადო-მეთქი. მივედი, მაგრამ ოპერატორების უფროსს ვუთხარი, ჩემი ნათესავია, ძალიან კარგი ბიჭია და მეც მივეხმარები-მეთქი. დღეს ის ტელევიზიაში მუშაობს და არ იცის, რომ მისმა მამამ მოკლა ჩემი მამა…,“ – ამბობს გიორგი ჯაჯანიძე ია ფარულავასთან ინტერვიუში.