ვაშინგტონში, რონალდ რეიგანის ეროვნული აეროპორტის მახლობლად, American Airlines-ის სამგზავრო თვითმფრინავი სამხედრო ვერტმფრენს შეეჯახა.
ტელეკომპანიები – CBS და CNN – სამართალდამცავებზე დაყრდნობით იუწყებიან, რომ სამძებრო ოპერაციისას უკვე ნაპოვნია, სულ მცირე, 40 დაღუპულის ცხედარი.
შეგახსენებთ, სამგზავრო თვითმფრინავში 60 მგზავრი და ეკიპაჟის 4 წევრი, ხოლო სამხედრო ვერტმფრენში 3 სამხედრო იმყოფებოდა.
შეჯახების შემდეგ ორივე მათგანი მდინარე პოტომაკში ჩამოვარდა.
მედიაში ასევე ვრცელდება ინფორმაცია, რომ ყველა მგზავრი დაღუპულად ითვლება.