ახალციხეში, თამარაშვილის ქუჩაზე, „სმარტის“ შენობიდან, სადაც აფეთქება მოხდა, მეხანძრე-მაშველებმა ერთი პირი უვნებლად გამოიყვანეს.
– ამის შესახებ „პრაიმტაიმს“ საგანგებო სიტუაციების მართვის სამსახურში განუცხადეს.
მათივე ცნობით, შემთხვევის შედეგად არავინ დაშავებულა.
ცნობისთვის, ახალციხეში, „სმარტის“ შენობაში ძლიერი აფეთქება დაახლოებით, ერთი საათის წინ მოხდა. აფეთქების შედეგად დაზიანებულია მაღაზიის ნაწილი. აფეთქების გამომწვევი მიზეზი ჯერჯერობით უცნობია. მომხდარზე დაწყებულია გამოძიება.