საქსტატი 2024 წლის დეკემბრის სისხლის სამართლის სტატისტიკის მაჩვენებლებს აქვეყნებს, რომლის თანახმადაც, 2024 წლის დეკემბრის თვეში სისხლისსამართლებრივი დევნა დაიწყო 1438 პირის მიმართ, მათგან ყველაზე მეტი თბილისში 434 (30%) და აჭარაში 223 (15.5%).
დევნის დაწყების მაჩვენებელი დანაშაულების მიხედვით ასეთია: განზრახ მკვლელობა -1, სიცოცხლის მოსპობა გაუფრთხილებლობით -2, განზრახ მკვლელობა დამამძიმებელ გარემოებაში -6 . ოჯახური ძალადობა -176, გაუპატიურება -11, გარყვნილი ქმედება 5, სქესობრივი კავშირი ან სექსუალური ხასიათის სხვაგვარი მოქმედება თექვსმეტი წლის ასაკს მიუღწეველთან -2, პირადი ცხოვრების საიდუმლოს ხელყოფა -11, ქურდობა -271, თაღლითობა -94.
2024 წლის დეკემბრის თვეში სულ დაზარალებულ პირთა რაოდენობამ შეადგინა 1538. მოქალაქეობის მიხედვით დაზარალებულთა შორის 150 უცხო ქვეყნის მოქალაქეა.
ასაკობრივი ჯგუფების მიხედვით დაზარალებულთა შორის 122 არასრულწლოვანია. 50 არასრულწლოვანი ოჯახური ძალადობის საქმეში იქნა დაზარალებულად ცნობილი. 5 გარყვნილი ქმედების საქმეში. 2 არასრულწლოვანი გაუპატიურების საქმეში ცნეს დაზარალებულად. 2 არასრულწლოვანი დაზარალებული – სქესობრივი კავშირი ან სექსუალური ხასიათის სხვაგვარი მოქმედება თექვსმეტი წლის ასაკს მიუღწეველთან, 2 არასრულწლოვანი დაზარალებული – სექსუალური ხასიათის ძალმომრეობითი მოქმედება.