ბიზნესმენის, „ერის“ ლიდერის, ლევან ვასაძის განცხადებით, მას მეორე დიაგნოზით, ოფიციალურად მრავალჯერადი მიელომა დაუდგინდა, რაც სისხლის კიბოს ნაირსახეობაა.
როგორც მან აღნიშნა, უკვე ორი თვეა, რაც მისი მკურნალობა მიმდინარეობს.
„მეორე თვეა, ვმკურნალობ. სამწუხაროდ, დამიდასტურდა მეორე დიაგნოზიც – AL ტიპის ამილოიდოზის გარდა, ოფიციალურად დამიდგინდა მრავალჯერადი მიელომაც, რომელიც სისხლის კიბოს ნაირსახეობაა. ვინც მგულშემატკივრობთ, ნუ დაიზაფრებით, რადგან, სამწუხაროდ, უკვე დადასტურებული წინა დიაგნოზი – AL ტიპის ამილოიდოზი ბევრად უფრო აგრესიული და საშიში დაავადებაა, ვიდრე თვით სისხლის კიბოც კი. ისინი მონათესავე დაავადებებია და ხშირად ერთად მიდის, თუმცა, ამ შემთხვევაში, ძალიან უცნაურია მათი წარმოქმნა სრულიად ჯანმრთელ ორგანიზმში, ასეთ მოკლე ვადებში“, – განაცხადა ვასაძემ სოციალური ქსელის მეშვეობით გავრცელებულ ვიდეომიმართვაში.
მისივე თქმით, შესაძლოა, ახალი დიაგნოზი რედიაციული დასხივებითა და მოწამვლით იყოს გამოწვეული.
ლევან ვასაძის განცხადებას მსახიობი და ტელეწამყვანი ია ფარულავა “ფეისბუქის” პირად გვერდზე გამოეხმაურა.
“ღმერთმა გაგაძლიეროს და გამოგაჯანმრთელოს ლევან ვასაძე
შოკში ვარ და მჯერა თითოეული სიტყვის რასაც ამბობ..,” – წერს ფარულავა ვასაძის მისამართით.
https://mix.metronome.ge/20831-2/