“გუშინდელი დღიდან მოყოლებული ვზივარ ტელევიზორთან და ვერ ვცილდები, როდის იქნება ეგ მომენტი…” – კახა კალაძე

გუშინდელი დღიდან მოყოლებული ვზივარ ტელევიზორთან და ვერ ვცილდები, როდის იქნება ეგ მომენტი, რომ რაღაც თქვას, – ამის შესახებ თბილისის მერმა კახა კალაძემ ექს-პრეზიდენტ, მიხეილ სააკაშვილთან დაკავშირებით განაცხადა, რომელმაც დააანონსა, რომ საქართველოში მიმდინარე პოლიტიკურ პროცესებში ჩართვასთან დაკავშირებით დღეს განცხადებას გააკეთებს.

როგორც კალაძემ აღნიშნა, ამ თემაზე კომენტირება არასერიოზულია.

“მაგის ჩამოსვლას ელოდება მთელი შესაბამისი სამსახურები და ჩამოვიდეს. რა თქმა უნდა, უნდა ჩამოვიდეს და პასუხი აგოს იმ დანაშაულებზე, რაც აქვს ჩადენილი”, – განაცხადა კახა კალაძემ ჟურნალისტებთან საუბრისას.

შეგახსენებთ, რომ დღეს, 6 სექტემბერს, მიხეილ სააკაშვილი მის გეგმებსა და საქართველოში მიმდინარე პროცესებში ჩართვასთან დაკავშირებით განცხადებას გააკეთებს. ამის შესახებ მან სოციალურ ქსელში დაწერა.