საქართველოს მეხუთე პრეზიდენტი, სალომე ზურაბიშვილი ქართულ დიპლომატიურ პასპორტთან დაკავშირებით ევროპული საბჭოს მიერ უვიზო რეჟიმის შეჩერების გადაწყვეტილებას გამოეხმაურა.
„ევროკავშირის გადაწყვეტილება, უცხო ქვეყნის აგენტების კანონის საპასუხოდ შეაჩეროს უვიზო მიმოსვლა დიპლომატიური პასპორტებისთვის, გარკვეულწილად უცნაურად ჩანს. საქართველომ მას შემდეგ უარესი გადაიტანა: წართმეული არჩევნები, ევროპული გზის შეჩერება, მასშტაბური აქციები, ძალადობრივი რეპრესიები. დაივიწყეთ ძველი კანონები, მოუწოდეთ ახალი არჩევნებისკენ!“, – აღნიშნა ზურაბიშვილმა.