თბილისში, 300 არაგველის მეტროსთან სასწრაფოს მანქანა, რომელსაც 80 წლის კოვიდინფიცირებული კლინიკაში გადაყავდა, ავარიაში მოყვა.
შემთხვევის შედეგად პაციენტი და სასწრაფოს ჯგუფის წევრები დაშავდნენ.
დაშავებულები ინგოროყვას კლინიკაში გადაიყვანეს.
ინფიცირებული პაციენტის მდგომარეობა საყურადღებოა, მას გულმკერდის ტრავმა აღენიშნება და სამედიცინო კვლევები უტარდება, სასწრაფოს თანამშრომლების მძღოლის, ექიმის და ექთნის ჯანმრთელობის მდგომარეობა დამაკმაყოფილებელია.
თვითმხილველების თქმით, სასწრაფო სამედიცინო დახმარების მანქანას მსუბუქი ავტომობილი შეეჯახა, რის შედეგადაც ის ამოტრიალდა.
შინაგან საქმეთა სამინისტროს ცნობით, გამოძიება სისხლის სამართლის კოდექსის 276-ე მუხლითაა დაწყებული, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.