ჟურნალისტი ნანუკა ჟორჟოლიანი სოციალურ ქსელში „ნეტგაზეთისა“ და „ბათუმელების“ დაპატიმრებული დამფუძნებლის, მზია ამაღლობელის შესახებ პოსტს აქვეყნებს.
„მზია შიმშილობს უკვე 16 დღეა.
განგაში!
ყველა ზომას უნდა მივმართოთ, რომ ყოველი წუთი და წამი ვიცოდეთ, როგორია მისი ჯანმრთელობის მდგომარეობა“, – წერს ის.
შეგახსენებთ, მზია ამაღლობელი 11 იანვარს, ბათუმში დააკავეს. ბათუმის საქალაქო სასამართლომ მას აღკვეთის ღონისძიების სახით პატიმრობა შეუფარდა.
მზია ამაღლობელს ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს.
მას შიმშილობა აქვს გამოცხადებული.