ბიზნესმენმა, „ერის“ ლიდერმა ლევან ვასაძემ მისი ჯანმრთელობის მდგომარეობის შესახებ “ფეისბუქის” ვიდეოჩართვაში ისაუბრა:
„ჩემი მკურნალობა უკვე მეორე თვეა მიმდინარეობს, სამწუხაროდ, დამიდასტურდა მეორე დიაგნოზიც, ოფიციალურად დამიდგინდა მრავალჯერადი მიელომაც. რაც არის უკვე სისხლის კიბოს ნაირსახეობა. ნუ დაიზაფრებით, ვინც მგულშემატკივრობთ. სამწუხაროდ, უკვე დადასტურებული წინა დიაგნოზი (ა/ლ ტიპის ამილოიდოზი) ბევრად უფრო საშიში და აგრესიული დაავადებაა, ვიდრე თვით სისხლის კიბოც კი.
ეს მონათესავე დაავადებებია, ხშირად ერთად მიდის, თუმცა ამ შემთხვევაში ცოტა უცნაურია მათი წარმოქმნა და მიმდინარეობა სრულიად ჯანმრთელ ორგანიზმში ასეთ მოკლე ვადებში. ამა ვწერდი ჩემს წერილში, ჩემი დაავადების უცნაური გარემოებები, რომელიც წააშლევინეს, ფორმულირებით სიძულვილის ენა.
ამ დიაგნოზის ოფიციალური დადგენით შეიცვალა არის ის, რომ ჩვენ უკვე ვეღარ ვუარვყობთ სამეცნიერო დონეზე, რომ ეს დაავადება შეიძლება რადიაციული დასხივებითა და ინტოქსიკაციით (მოწამვლით) იყოს გამოწვეული. თუ ამილოიდოზის გამომწვევ მიზეზებში თუ ესე მკაფიოდ გარკვეული არ არის, მიელომის შემთხვევაში, რომელიც ჩემი პირველი დაავდებაა, პირდაპირ წერია, რომ ერთ-ერთი მთავარი, ხშირად გამომწვევი მიზეზი არის რადიაციული დასხივება და მოწამვლა.
მე არ და ვერ დავამტკიცებ, რომ ჩემს შემთხვევაში ეს ასე მოხდა, მაგრამ ყველას ყველაფერი ესმის. ამის მერეც ჩვენი სახელმწიფოც თუ ისევგააგრძელებს თავის ლეგენდარულ დუმილს… ჟურნალისტების მიერ ატეხილი აურზაური, რომ მე მომწამლეს იმ დილას, როცა ბათუმიდან თურქეთში გავფრინდი, უბრალოდ ძალიან ცუდად ვიყავი. თავად არანაირი ეჭვი მქონდა, რომ ვინმემ მომწამლა. არც ვიცოდი რა მჭირს და იქ რა შოკი მელოდა. ეს მხოლოდ ჩემი დაცვის უფროსმა, ჩემმა მეუღლემ და ჩვენმა მდივანმა იცოდნენ, ასევე საზოგადოებრივი მოძრაობა „ერიდან“ სამმა მეგობარმა იცოდა. ამიტომ ეს იყო საიდუმლო გადაწყვეტილება, ვაპირებდი უცბად სტამბულში ჩასვლას და 5 ივლისისთვის უკან დაბრუნებას. თვითმფრინავი რომ აფრინდა, ლიბერასტურმა ტელევიზიებმა მაშინ დასცხეს, რომ ვასაძე მოწამლეს და თურქეთში გადააფრინესო. ჯერ ერთი ეს ცალკე გამოსაძიებელი ფაქტია, საიდან იცოდნენ და უადვილესი ძაფია ამ საქმის გასარკვევად, “– ამბობს ვასაძე ვიდეომიმართვაში.