„რუსთავი 2“-ის ყოფილმა დირექტორმა და პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარის ამჟამინდელმა მოადგილემ, პაატა სალიამ მიმდინარე აქციებზე დაკავებულების შესახებ ისაუბრა.
„გავათავისუფლოთ ვიღაც, იმიტომ, რომ მედიის ან სახელოვნებო სფეროს წარმომადგენელია და ა.შ… ჩემი აზრით, დაუშვებელია. თუ არსებობს გათავისუფლების კრიტერიუმები, უნდა გათავისუფლდეს. რაზე ვსაუბრობთ? რადგან ჟურნალისტი და მედიის წარმომადგენელია, პოლიციელს თუ ხელი გაარტყა, უნდა გავათავისუფლოთ და სხვა ადამიანმა რომ გაარტყას პოლიციელს ხელი, ის უნდა დავსაჯოთ? ორმაგ სტანდარტებს რატომ ვქმნით და რატომ ვუქმნით საზოგადოებას ასეთ მოლოდინებს?“, – აცხადებს პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარის მოადგილე პაატა სალია.
შეგახსენებთ, რომ ბათუმში, „ნეტგაზეთისა“ და „ბათუმელების“ თანადამფუძნებელი და დირექტორი, მზია ამაღლობელი 11 იანვარს დააკავეს. ბათუმის საქალაქო სასამართლომ მას აღკვეთის ღონისძიების სახით პატიმრობა შეუფარდა.
ამაღლობელს ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს.
“ბათუმელებისა” და “ნეტგაზეთის” დამფუძნებელს შიმშილობა აქვს გამოცხადებული.