დღეს მიმდინარე აქციებისას დაკავებული ექიმის, გიორგი ახობაძის სასამართლო პროცესი გაიმართა.
მან საქმის პროკურორს სიტყვით მიმართა.
„თქვენი გადაწყვეტილებით და მოთხოვნის გამო, აღკვეთის ღონისძიების მოთხოვნის გამო, გთვლით მკვლელად. იძულებული გავხდით, დედაჩემი გადაგვეყვანა იმდენი კონტაქტის მქონე ადგილას, ჰოსპიტალში.
თქვენ თქვენი დაუსაბუთებელი და უგრძნობი გადაწყვეტილებით, არ მომეცით საშუალება ჩემი ცხოვრების მთავარ პაციენტთან ზისტად იგივე პაციენტები გადამედგა, რაც თითოეულ ჩემს პაციენტს აქვს მიღებული…
თქვენ არ მიეცით ქართველ დედას [საშუალება] , თავისი ცხოვრების ბოლო დღეები გაეტარებინა თავისი შვილის გვერდით.
მე მინდა გკითხოთ, ამხანაგო გობეჯიშვილო [პროკურორო], დედა ხომ გყავთ. მინდა მიხვიდეთ და ჰკითხოთ, როგორ შეაფასებდა ასეთ კაცს, როგორზეც მე ვილაპარაკე… თქვენი მშობელი რომ პასუხს გაგცემთ, რა კაცია ის ადამიანი, სარკეში ჩაიხედოთ და ეცადოთ, ეს ადამიანი მეორეჯერ თქვენი კარიერის მანძილზე აღარ დაგენახოთ. ამას გისურვებთ, რომ ისე გაგეგრძელებინოთ თქვენი კარიერა ასეთი ადამიანი აღარ დაგენახოთ“, – მიმართა ახობაძემ პროკურორს.
ის მოსამართლემ პატიმრობაში დატოვა.
შეგახსენებთ, რამდენიმე დღის წინ, გიორგი ახლობაძეს დედა გარდაეცვალა. უწყებამ დაპატიმრებულ ექიმს დედის დაკრძალვაზე მისვლის უფლება მისცა.
ახობაძე 7 დეკემბერს, რუსთაველზე გამართული საპროტესტო აქციიდან სახლში დაბრუნებისას დააკავეს.
მას ბრალი სისხლის სამართლის კოდექსის 260-ე მუხლის მე-6 ნაწილით წარედგინა, რაც დიდი ოდენობით ნარკოტიკული საშუალებების უკანანო შეძენა-შენახვას გულისხმობს.
აღნიშნული დანაშაული 8-დან 20-წლამდე ან უვადო თავისუფლების აღკვეთას ითვალისწინებს.