თბილისის საქალაქო სასამართლოში ელეკო ალისაშვილის საქმის განხილვა მიმდინარეობს. საქმეს მოსამართლე ნინო თარაშვილი განიხილავს.
კოალიცია “ძლიერი საქართველოს” ერთ-ერთ ლიდერს ალი ბაბაევი უჩივის და მასზე თავდასხმაში ადანაშაულებს. დღევანდელ პროცესზე სასამართლომ მტკიცებულებების დასაშვებობაზე უნდა იმსჯელოს. ასევე გადაწყდება საქმე არსებითად განსახილველად გადაეცემა თუ არა სასამართლოს.
თავად ალეკო ალესაშვილი ამბობს, რომ თავს დამნაშავედ არ ცნობს, საერთოდ არ იცნობს ალი ბაბაევს და ის აღნიშნულ ინციდენტამდე ნანახი არ ჰყავდა.
“რეჟიმი და მისი დუქანი სადაც ახლა ვართ, აბსოლუტურად დაცლილი სიმართლისგან , არის გადასული ძალადობაზე და ამის მონაწილეები ვართ. მე მედავებიან, ქუჩაში კაცმა შემაგინა და შემოვცხე, ვიღაცა გაუგებარი კაცია ალი ბაბაევი და მაგის მიმართ პოლიტიკური დევნააო და გახარია პრემიერმინისტრი იყო, კაცი მოკლეს ცემაში ლამის და ცემის მუხლით აღუძრეს საქმე. აი ასეთ შაპიტოში ვარ მოსული”, – განაცხადა ელისაშვილმა პროცესის დაწყებამდე.
შეგახსენებთ, რომ ალეკო ელისაშვილს ბრალდება საქართველოს სისხლის სამართლის კოდექსის 156-ე მუხლის მე-2 ნაწილის „ა“ ქვეპუნქტით (ადამიანის დევნა პოლიტიკურ მოღვაწეობასთან დაკავშირებით, ჩადენილი ძალადობით) წარედგინა, რაც სასჯელის სახედ და ზომად სამ წლამდე თავისუფლების აღკვეთას ითვალისწინებს.
შემთხვევა 2 დეკემბერს მოხდა. პროკურატურის ინფორმაციით, ალეკო ელისაშვილმა თბილისში, კოსტავას ქუჩის მიმდებარე ტერიტორიაზე, აზერბაიჯანელთა ეროვნული კონგრესის თავმჯდომარეს და პარტია „ქართული ოცნება დემოკრატიული საქართველოს“ ერთ-ერთ დამფუძნებელს, ალი ბაბაევს პოლიტიკური ნიშნით სიტყვიერი და ფიზიკური შეურაცხყოფა მიაყენა.