საქართველოს თავდაცვის ყოფილი მინისტრი ირაკლი ოქრუაშვილი სწავლის დისტანციურ რეჟიმში განახლებას აკრიტიკებს:
“ბავშვობაში ხომ ვერ ვიტანდი 1 სექტემბერს და ახლა უარესად შემძულდა. ორ საათიანი სხვაობის გამო დილის 6 საათზე ბავშვების გაღვიძება, უხარისხო ონლაინ სწავლა სამ ოთახში სამი ცალკე კომპიუტერით და ამ უაზრობაში კიდევ “ორი ვაგონი” ფული რომ უნდა ვიხადო.
სამაგიეროდ სკოლების ნაცვლად რესტორნებია ღია,” – წერს ოქრუაშვილი “ფეისბუქის” პირად გვერდზე.
შეგახსენებთ, რომ ქვეყანაში არსებული ეპიდვითარებიდან გამომდინარე, საკოორდინაციო საბჭომ მიიღო გადაწყვეტილება, რომლის მიხედვით, შეზღუდვების მოქმედების ვადა ხანგრძლივდება.
15 სექტემბრიდან 4 ოქტომბრის ჩათვლით სკოლებსა და უნივერსიტეტებში სწავლა დისტანიცურად იწყება. ამასთან, ოქტომბრამდე არ გაიხსნება ბაღებიც.
ასევე, 13 სექტემბრამდე არ იმოძრავებს საზოგადოებრივი ტრანსპორტი.