დაპატიმრებული სამხედრო ჟურნალისტი, უჩა აბაშიძე, სოციალური ქსელის საშუალებით, მორიგ წერილს ავრცელებს.
აბაშიძე გდდ-ის ოპერატიული დაგეგმვის სამმართლოს ყოფილ უფროსს, ირაკლი შაიშმელაშვილს მიმართავს.
„კითხვები ირაკლი შაიმელაშვილთან:
მე რო გარეთ ვიყო, აუცილებლად ვეცდებოდი “ადამიანურ საუბარს“ ირაკლისთან. ვიცნობ, დაუსწრებლად, თავდაცვის სამინისტროდან. ისიც მიცნობს.
ბოლო 4 წელია, ირაკლი იყო უშუალოდ ჩვენი და კერძოდ ჩემი მეტოქე. ჩვენ ვფიქრობდით როგორ მოვერიოთ რუსების დავალებების შემსრულებელ გდდ-ს, და იქეთ მხრიდან – ირაკლი ფიქრობდა, როგორ მოგვრეოდა ჩვენ.
და თვითონაც აღიარებს, რო სრულიად ეგზისტენციალური ბრძოლა გვაქ – რუსების წინააღმდეგ. იმედია ხვდება, რო ეხლა არაა “საიდუმლოს შენახვის“ დრო, თუ საოცრება შევძელით და რუსული ავტორიტარიზმი დავამარცხეთ – გდდ მეტი აღარასდროს იქნება ის რაც ახლა არის, და თუ არა და გამოვა, რო ხელი შეუწყო მათ სიძლიერეს ჩვენს წინააღმდეგ.
ხოდა, ირაკლი – გაითვალისწინე, რო ჩვენი რიგები სავსეა აგენტებით (შენით იცი) და ამიტო არანაირ “დამალულ“ სტრატეგიებს აზრი არ აქვს – ბოლოს მაინც ჟონავს, პლიუს – ჩვენ მყარი პირამიდა და ხერხემალი არ გვაქ – ფარული ოპერაციები ვერ სრულდება. ამიტომ თუ რამეს გვირჩევ, ისეთი უნდა მოიფიქრო – რო ღიად ნათქვათი – ვერ “იჭედებოდეს“ მაინც ვერაფრით და მარტივი შესასრულებელი იყოს ნაირ-ნაირი მასების მიერ.
ანუ თუ რამე ჩვენს მიდგომებზე კრიტიკა გაქვს – დაფიქრდი ჩვენ რითი გვიწევს ბრძოლა და შენ რითი გიწევდა.
და ეხლა გაიაზრე რო შენ ხარ აქეთ და … პოკერს კი ვერ თამაშობ, ღია კარტებით ხარ. პასეანს შლი – როცა მეორე მხრიდან პოკერს გეთამაშებიან – და რაღაცნაირად უნდა ისეთი რამეები მოიფიქრო – მაინც მოუგო. შენ მაგითი ხარ ძვირფასი, შენ იცი რა ხდება იქით, თუ არ მოგვეხმარები, მოიგებს რუსეთი. U decide.
ხოდა, ირაკლი:
1. რატო გვშლით აქციებს საერთოდ? – რა არი ტრიგერი? – რა არ უნდა ვქნათ? – ავლაბრის მეტროს წინ რო ვქნათ ამხელავე აქცია – მაინც მოვა გდდ და შეგვიტევთ “ყუთებად“? – იმიტო, რო ჩვენ ვართ ქალებით და ბავშვებით – და აქციაზე, როცა ცნობილია რო “არ დაგვშლიან“ – ბევრად მეტი ხალხი მოდის. რა არ ვქნათ – რო გდდ არ ჩამოდგეს, მოკლედ.
2. რამდენი კაცია გდდ-ს რესურსი?
3. სხვა ქალაქებში პარალელური აქციები – რესურსის კლებაზე საგრძნობად მოქმედებს?
4. რამდენი დღე აქციების მერე – ვეღარ დგახართ ფეხზე?
5. ღამის რომლამდე უნდა ვიყოთ – მერე წავიდეთ და დილის როდიდან დავბრუნდეთ – რო თქვენ ავტობუსებში მოგიწიოთ “წაძინება“ – და ვერ დაისვენოთ? (იმიტო რო დილის 6-მდე ჩვენც ვიღლებით და მერე ბევრი მიდის დასაძინებლად და ძირითადად მერე გვიჭერთ … რაც ცალკე გაუგებარია – ვაფშე რაღატო? – მარა კაი)
6. უკან რო ვიხევთ და ბრძოლაში არ შემოვდივართ – თქვენ თვლით რო “მოიგეთ“? – თუ ხვდებით რო უაზრობას შვებით? (იმიტო რო პირველ რიგში – უაზროდ გვშლით, მიზანი რო არ იცით რა გაქვთ, როგორ წყვეტთ რო “მოიგეთ“?)
7. რუსებო/მონებოს ძახილს აზრი აქვს? – რის ძახილს/საუბარს აქვს აზრი?
8. მართალია რო ახალი ლოკაციის დაგეგმვა/ორგანიზებაზე – 24 საათი გჭირდებათ?
9. სად უფრო ძნელი დასაშლელია აქცია – გზაჯვარედინზე? – განიერ ქუჩაზე? – ბევრ დაგრეხილ ვიწრო ქუჩებში?
10. ვერასოდეს ვერ ვქენი, სანამ გარეთ ვიყავი, მარა რა მოხდება – გდდ-ს ავტობუსები და მანქანები რო ჩამოდგება თავისუფლებაზე – რო დავიძრათ და აქცია უცებ მანდ გადმოვიდეთ? – რამდენი ხნით აგრევთ?
11. ქვის მსროლელ შემოგზავნილ პროვოკატორებს რა ვუყოთ? – მე ვეცადე ჩემით დაჭერას, ვერ მოვიხელთე. მეორე გზაა – დიდ დისტანციას ვიჭერთ, რო ჩვენი ზურგს უკნიდან ვეღარ ისროლონ – მარა სხვა მინუსები აქვს მაგას.
12. ე.წ. “დაშავებული სამართალდამცველებიდან“ – სინამდვილეში რამდენია თქვენივე გაზით გაგუდული?
13. ფეირვერკები რას ცვლიდა? რატომ ერჩოდით?
14. ჩვენი გეგმების სწრაფი ცვლა კარგი იდეაა? – ჩვენ ასე დავასკვენით, რო მაგ დროს ქვედა დონის ოფიცრებს უწევთ გადაწყვეტილებების მიღება, ნეგატიური გადარჩევის გამო კომპეტენცია არ ყოფნით, ცდებიან და მერე ჩვენ ეს ტაქტიკური გამარჯვებები – სტრატეგიულ ნაბიჯებად გვიგროვდება.
15. რამე გზა არის სინდისი გავუღვიძოთ? – მამაო-ჩვენო რო წავიკითხოთ? – მღვდლები რო ჩადგნენ ჩვენს შორის? – რა ვქნათ რო დაზომბებიდან გამოვაცოცხლოთ?
16. კიდე რამე რჩევები? იდეები? –
მოგვეხმარე!!!
ჰიბრიდული ომია რუსებთან!
ამდენი წელი ემზადებოდი შენ და გვიწევს ომი ჩვენ.
Help!
Ucha Abashidze“, – წერს აბაშიძე.
შეგახსენებთ, რომ უჩა აბაშიძე 2024 წლის 9 მაისს დააკავეს – თბილისში ამ დროს „აგენტების კანონის“ საწინააღმდეგო საპროტესტო აქციები იმართებოდა.
მას და მის მეუღლეს, მარიამ იაშვილს, რომელიც ასევე დაკავებულია, პროკურატურა პირადი ცხოვრების საიდუმლოს უკანონოდ მოპოვება-შენახვას ედავება.
რაც შეეხება შაიშმელაშვილს, მან ზემოაღნიშნული თანამდებობა 4 დეკემბერს თანამდებობა დატოვა, შემდეგ კი, ოჯახთან ერთად საქართველოდან წავიდა.
ქვეყნიდან წასვლის შემდეგ, შაიშმელაშვილმა „ტვ პირველს“ სკანდალური ინტერვიუ მისცა.