“სანამ მე თავისუფლების მოყვარული საქართველოს სახელით ინაუგურაციას ვესწრები, ქართველები ამერიკელი მეგობრების სოლიდარობის ნიშნად მარშს მართავენ. პრეზიდენტო ტრამპო, ამერიკის რამდენი პარტნიორი ქვეყანა აკეთებს იმავეს?”– წერს საქართველოს პრეზიდენტი, სალომე ზურაბიშვილი X-ზე და თბილისში სოლიდარობის მარშის ამსახველ ფოტოს აქვეყნებს.
აშშ-ის 47-ე პრეზიდენტის ინაუგურაცია დღეს გაიმართება. დონალდ ტრამპი ფიცს ადგილობრივი დროით 12:00 საათზე დადებს და მოსახლეობას სიტყვით მიმართავს.