ახალციხეში მცხოვრებ 25 წლის ახალგაზრდა კაცს, არამ მურადიანს ოჯახი ორ კვირაზე მეტია უშედეგოდ ეძებს. ნათესავებს იგი 1–ელი იანვრის ღამის შემდეგ აღარ უნახავთ. ინფორმაციას „სამხრეთის კარიბჭე“ ავრცელებს.
არამის ნათესავების თქმით, იგი მარტო ცხოვრობს. დაკარგულის შესახებ ინფორმაცია აქვს პოლიციასაც, მისი დაკარგვის შესახებ ახალგაზრდის მეგობარმა უწყებას 6 იანვარს მიმართა.
ბიძის ინფორმაციით, არამი დაკარგვის შემდეგ, სავარაუდოდ, რამდენჯერმე შენიშნეს ახალციხეში, თუმცა აღნიშნულის გადამოწმება ვერ ხერხდება.
თუ ფლობთ რაიმე ინფორმაციას დაკარგულის შესახებ, შეგიძლიათ დაუკავშირდეთ არამ მურადიანის ნათესავებს შემდეგ ნომრებზე– 598 09 77 67 ან 568 00 56 14.