„ვინაიდან პრეზიდენტი და „ლელო“ იქ ერთად მოძრაობენ, კარგ ადგილებს იშოვიან, რადგან ფული არ გაუჭირდება „ლელოს“ ასეთი ღონისძიებისთვის“ – ხვიჩია ტრამპის ინაუგურაციაზე

აშშ-ის ახალარჩეული პრეზიდენტის, დონალდ ტრამპის 20 იანვარს გასამართ ინაუგურაციას საქართველოს მეხუთე პრეზიდენტი, სალომე ზურაბიშვილი და ასევე კოალიცია „ძლიერი საქართველოსთვის“ ლიდერები დაესწრებიან.

აღნიშნულს პარტია „გირჩის“ თავმჯდომარე იაგო ხვიჩია გამოეხმაურა.

„ჩვენ საერთოდ მანამდეც გვქონდა ინფორმაცია, რომ უფასოდაც შეიძლებოდა ინაუგურაციაზე დასწრება, საჯარო ღონისძიებაა და მთელი სამყაროდან სხვადასხვა ხალხი ესწრება. რაც შეეხება Vip ადგილებს, ის შეიძლება იყიდებოდა. ვინაიდან პრეზიდენტი და “ლელო” იქ ერთად მოძრაობენ, კარგ ადგილებს იშოვიან, რადგან ფული არ გაუჭირდება ლელოს ასეთი ღონისძიებისთვის. მე ასე ვიცი, რომ მასპინძელი გპატიჟებს ზოგადად სახლში. ჯო უილსონის მიერ პრეზიდენტის ინაუგურაციაზე მოწვევაც, მგონი ამერიკის ოფიციალური მოწვევა არ უნდა იყოს. ქართულ პოლიტიკაში ეს პირველი შემთხვევა არ არის, როდესაც ჩვენი პოლიტიკოსები მიდიან უცხოეთში ვიღაცებთან სელფის გადასაღებად,“ – აცხადებს ხვიჩია.