აქციის დაკავებული მონაწილის, ანრი კვარაცხელიას ცოლმა, ნუცა ერემიანმა “რადიო თავისუფლებასთან” ინტერვიუში ანრის დაკავების მომენტები გაიხსენა და მის შემდეგომ პერიოდზე ისაუბრა.
როგორც ნუცა ერემიანმა განაცხადა, მას სტრესის ფონზე, სამი კვირის თავზე მუცელი მოეშალა.
ასევე, ანრი კვარაცხელიას ცოლი, ნუცა ერემიანი “რადიო თავისუფლებას დაკავების დეტალებს უყვება.
“5 დეკემბერს, დილის საათებში ჩვენს სახლში უკანონოდ შემოიჭრნენ და ანრი დააკავეს […] ერთ-ერთი, ყველაზე დიდი რომელიც იყო, ჩემ წინ დადგა და ორივე ხელით ყელში მწვდა. ჩემს მეუღლეს კითხულობდა, სად იყო და დედის მიმართულებით იგინებოდნენ […] ანრის თმებში ხელი მოჰკიდეს და სახლიდან გაათრიეს – მხოლოდ საცვალი და წინდები ეცვა […]
ასე რომ ვთქვათ, ჩვენს სახლში მომხდარი შეტაკებებისა და ცემა-ტყეპიდან 2 კვირის შემდეგ, დამეწყო სუნთქვითი პრობლემები, გამირთულდა. გული მიმდიოდა, საჭმელს ვერ ვჭამდი და ვერ ვიძინებდი – რა თქმა უნდა, ეს სტრესის ბრალიც იყო, მაგრამ ექიმთან რომ მივედი, მითხრეს, რომ 3 კვირის ვადაზე მუცელი მომეშალა. სტრესის ბრალი იყო და დიდხნიანი დასვენება და კარგი ძილი მჭირდებოდა. შფოთვით აშლილობებს დღემდე ვებრძვი”. – თქვა აქციის დაკავებული მონაწილის, ანრი კვარაცხელიას ცოლმა, ნუცა ერემიანმა “რადიო თავისუფლებასთან” ინტერვიუში.
ანრი კვარაცხელია 2024 წლის 5 დეკემბერს საკუთარ სახლში დააკავეს. გამოძიება მას აქციაზე პოლიციელზე თავდასხმასა და ე.წ. მოლოტოვის კოქტეილის სროლას ედავება. კვარცხელიას აღკვეთის ღონისძიების სახით, პატიმრობა აქვს შეფარდებული.